Order Fulfillment Assistant

Rreth Gjirafa 

Gjirafa është një nga kompanitë me rritjen më të shpejtë në Evropën Qëndrore dhe misioni i saj është të ndërtojë ekonominë e Internetit në këtë rajon. Ekosistemi i shërbimeve të Gjirafës përshinë tregtinë online, marketingun online, transmetimin e videove, studion e produksionit dhe shërbimet cloud. Para së gjithash, Gjirafa garanton kualitet, besueshmëri, efikasitet, dhe çmimet më të volitshme në treg.

Gjirafa mbetet përherë e përkushtuar që të përmbush pritshmëritë e klientëve dhe të ofrojë përvojat më të këndëshme për ta.

Ne jemi në kërkim të një anëtari të ri për t’ju bashkuar ekipit të Operations E-Commerce në rolin Order Fulfillment Assistant. Ekipi i E-commerce është një grup i përkushtuar që në fokus të punës së tyre kanë ofrimin superior të sherbimit ndaj klientëve. 

Roli juaj:

Në rolin Order Fulfillment Assistant ju do të jeni përgjegjës për mbarvajtjen e punëve operacionale të Gjirafa50 (gjirafa50.com, gjirafa50.al, gjirafa50.mk, gjirafa.gg) dhe GjirafaMall (gjirafamall.com, joy.gjirafamall.com) dhe do të jeni përgjegjes për detyrat administrative dhe përcjelljet ditore të detyrave për arritjen e targeteve të paracaktuara.

Pergjegjësitë e juaja:

• Të sigurohuni që procesi i porosive të shkojë në mënyrë të rregullt deri në pranimin e tyre nga ana e klientëve;

• Të bëni kontrollë të detajeve të porosive dhe të mbani shënime të sakta për të gjitha porositë si dhe të përditësoni statusin e tyre;

• Të zhvilloni kontakte me klientët sipas nevojës për konfirmimet potenciale të porosive dhe kontakte të tjera sipas nevojës së departamentit;

• Të zgjidhni ankesat e klientëve në mënyrë profesionale;

• Të përgjigjeni pyetjeve, shqetësimeve dhe kërkesave të klientëve në lidhje me produktet dhe shërbimet e Gjirafa50 dhe GjirafaMall;

• Në mënyrë të vazhdueshme të  bashkëpunoni me ekipet përkatëse jashtë departamentit Operations si:  Kujdesi për Klientët, Depo, Financat dhe të tjera, për t’u përditësuar për statusin e porosive si dhe proceseve të përbashkëta;

• Të ndihmoni ekipen e Logjistikës për plotësimin e nevojave të klientëve;

• Të përmbushni detyrat sipas prioriteteve dhe brenda afateve kohore;

• Të mirëmbani dhe përditësoni raportet ditore;

• Të kryeni detyra të tjera të caktuara nga punëdhënësi. 

Kërkesat/Shkathtësitë minimale:

• Aftësi organizative.

• Aftësi të forta komunikimi me shkrim dhe verbal në shqip dhe e preferueshme edhe ne anglisht.

• Aftësia për të identifikuar problemet, për të zhvilluar zgjidhje dhe për të nxitur rezultate.

• Aftësi për t’u përballur me disa aktivitete të punës në të njejtën kohë, prioritizimin e tyre dhe për të punuar me afate kohore të shkurtëra.

• Aftësi për t’u adaptuar në një ambient dinamik dhe sfidues të punës.

• Aftësi të lartë të ndjeshmërisë kur merreni me të tjerët/problemet e klientëve. 

•  Entuziastë  për të mësuar dhe për t’u rritur profesionalisht.

Kualifikimet e preferuara:

• Nivel Bachelor të edukimit.

• Të keni njohuri për trendet e fundit në fushën e teknologjisë informative.

• Njohja e gjuhës angleze

Informata të tjera: 

• Orari i punës prej të hënës deri të dielën, me 2 ditë pushim në javë.  

• Duhet të jeni në dispozicion për të punuar me orar me ndërrime dhe në festa. 

Vendi i punës:

• Prishtinë (Magjistralja Prishtinë - Ferizaj, kilometri i 6-të, Graçanicë, Kosovë)

Ju lutemi vini re se procesi i rekrutimit për kandidatët e përzgjedhur në listën e ngushtë përfshin pjesëmarrjen në testin e aftësive të përgjithshme.